अखबार नेपाल ट्रेन्डिङ

काठमाडौ : मन्त्रीपरिषदको बैठक आज बस्दैछ ।

प्रधानमन्त्री निवास बालुवाटारमा आज बस्ने बैठकमा विभिन्न एजेण्डामा छलफल हुने बताईएको छ ।

अहिले बिहान १० बजेका लागि बालुवाटारमा बैठक बोलाईएको छ ।

बालुवाटार स्रोतका अनुसार आइतबारकै बैठकमा विभिन्न मन्त्रालय टुक्र्याउनका लागि तयार पारिएको प्रस्ताव आजको बैठकले पारित गर्नेछ ।

योसँगै सचिव शंकरदास वैरागीलाई मुख्यसचिवमा नियुक्त गर्ने र हालका मुख्यसचिव लोकदर्शन रेग्मीलाई संयुक्त राज्य अमेरिकाका लागि राजदूत नियुक्त गर्ने प्रस्ताव तयार भइसकेको र आजको मन्त्रिपरिषद्मा पेश हुने सम्भावना रहेको पनि स्रोतले बताएको छ ।

मन्त्रिपरिषद्को कार्यसम्पादन नियमावली संशोधन गरी मन्त्रालय टुक्र्याउनेबारेमा बुधबार प्रधानमन्त्री केपी शर्मा ओली र पार्टी अध्यक्ष पुष्पकमल दाहाल (प्रचण्ड) बीच सहमति भएको दावी बालुवाटारस्रोतको छ ।

टुक्रिने मन्त्रालयमा जलस्रोत, भूमि व्यवस्था, गरिवी निवारण तथा सहरी, भौतिक पूर्वाधार तथा यातायातसहितका छन् ।

अब उर्जा मन्त्रालय अलग्गै हुने, त्यसबाट फुटेर सिंचाई तथा नदी व्यवस्थापन अलग मन्त्रालयका रुपमा रहने भएको छ ।

भूमि व्यवस्थाबाट गरिवी निवारण र सहकारी मन्त्रालयलाई अलग पारिने प्रस्ताव छ ।भौतिक पूर्वाधारलाई अलग्गै मन्त्रालय बनाई यातायात मन्त्रालय छुट्याउन लागिएको छ ।