अखबार नेपाल ट्रेन्डिङ

काठमाडौं: काठमाडौं हाँडीगाउँको एउटै टोलमा आठ जनालाई कोरोना संक्रमण देखिएसंगै उक्त क्षेत्र सिल गरिएको छ ।

हाँडीगाउँको कोटाल टोलमा कोरोना संक्रमितहरु फेला परेपछि सो क्षेत्र सिल गरिएको काठमाडौं महानगरपालिका वडा नं. ५ का अध्यक्ष रमेश डंगोलले जानकारी दिए ।

त्यहाँ अघिल्लो बिहीबार एक प्रहरीमा सुरुमा कोरोना संक्रमण पुष्टि भएको थियो । संक्रमितहरु नेपाल प्रहरी, प्रहरीका परिवार र स्थानीय घर धनीहरु छन् ।

उनीहरुको सम्पर्कमा रहेकाहरुको स्वाब संकलन गरेर परीक्षण गर्दा शुक्रबार थप पाँच जनामा कोरोना पुष्टि भएको थियो ।

उक्त क्षेत्र अहिलेलाई सिल गरिएको र भोलि वडा अध्यक्ष डंगोलको अध्यक्षतामा कोभिड–१९ सम्बन्धी समितिको बैठक बसेर आवश्यक निर्णय गर्ने वडा अध्यक्षले बताउनु भयो ।