अखबार नेपाल ट्रेन्डिङ

काठमाडौं । एसीसी इस्टर्न रिजन टी-२० क्रिकेट प्रतियोगिताको आफ्नो तेस्रो खेलमा थाइल्याण्डले नेपाललाई ६७ रनको लक्ष्य दिएको छ ।

टेर्डथाई क्रिकेट मैदानमा टस जितेर पहिले ब्याटिङ गरेको थाइल्याण्डले निर्धारित २० ओभरमा ९ विकेट गुमाएर ६६ रन बनाएको हो । घरेलु टोली थाइल्याण्डका लागि हेन्नो जोर्डनले सर्वाधिक १३ रन बनाए भने विकेटकिपर फिरियापोङ सुअनचाई १२ रनमा अविजित रहे । बाँकी खेलाडीले दोहोरो अंकमा रन जोड्न सकेनन् ।

नेपालका लागि करण केसीले ४ ओभरमा १ ओभर मेडन राख्दै १२ रन खर्चिएर ३ विकेट लिए । अभिनाश बोहराले ४ ओभरमा २३ रन खर्चेर २ विकेट लिए । यस्तै टी२० अन्तर्राष्ट्रिय डेब्यु गरेका भुवन कार्कीले ४ ओभरमा १ मेडन राख्दै ६ रन खर्चेर १ विकेट लिए ।

सन्दीप लामिछानेले शुरुवाती तीन ओभर मेडन गरेपछि ४ ओभरमा ९ रन खर्चिए । उनले आफ्नो तेस्रो ओभरमा वाइडबाट १ रन दिएका थिए भने अन्तिम ओभरमा ८ रन खर्चिएका थिए । सन्दीपले १ विकेट लिए । पारस खड्काले २ ओभरमा ३ रन र कुशल मल्लले २ ओभरमा ४ रन खर्चिए ।