अखबार नेपाल ट्रेन्डिङ

मौसम परिवर्तन भएर ग्रीष्म ऋतुको आगमनसँगै बिहान बेलुका चिसो हुने र दिउँसो तातो हुने किसिमको अनुभव हुँदै गैरहेको छ ।

यस्तो बेला स्वास्थ्यमा चिसो खोकी, भाइरल इन्फेक्सन, शरीरको दुखाई बढ्ने साथै शरीर गलेको जस्तो भान हुने गर्दछ । बिहान बेलुकाको चिसो र दिनको पारिलो घामले हाम्रो शरीरको स्वास्थ्यमा प्रभाव पार्ने गर्दछ ।

यस्तो अवस्थामा बिभिन्न औषधीको प्रयोग गर्नुभन्दा घरेलु उपचारका साथै भन्छामा सजिलै उपलब्ध हुने प्राकृतिक एन्टिबायोटिकहरूको सेवन गर्नु स्वास्थ्यको लागि उपयुक्त हुने मानिएको छ ।

लसुनः
लसुन सयौं वर्षदेखि प्रयोग हुँदै आएको कृषि उपज हो । लसुनमा पाइने एन्टिब्याक्टेरियल गुणको कारण रोगसँग लड्न सक्ने क्षमता धेरै हुन्छ । लसुन एलिसिन, साल्मोनेला र ईकोली जस्तो खतरनाक ब्याक्टेरिया निर्मूल पार्न धेरै प्रभावकारी छ । तर, धेरै लसुन खानु स्वास्थ्यको लागि हानिकारक पनि मानिन्छ । त्यसैले प्रत्येक दिन दुई केस्रा लसुन खानु उपयुक्त हुन्छ ।

महः
मह धेरै पुरानो र लाभदायक एन्टिबायोटिक पदार्थ हो जुन सयौ पुस्ता अघिदेखि प्रयोग हुँदै आएको छ । सन् २०११ को एक अध्ययनका अनुसार महले ६० प्रकारका ब्याक्टेरियालाई निस्क्रिय पार्न सफल भएको सो अध्ययनले देखाएको छ ।

बेसारः
नेपाली भान्छामा भेटिने बेसार सबैभन्दा सामान्य मसला हो । बेसारमा पाइने कर्क्यूमिन भनिने तत्व अत्यन्त शक्तिशाली एन्टिआक्सिडेन्ट हो । यसमा एन्टी–इन्फ्लेमेटरी गुणहरू पनि प्रसस्त मात्रामा पाइन्छ । बेसारको नियमित सेवनले शरीरमा स्वतन्त्र रेडिकलहरूको कारणबाट हुने क्षति तथा शरीरमा रोग फैलाउने थुप्रै प्रकारका ब्याक्टेरियालाई रोक्ने मद्दत गर्दछ ।

अदुवाः
सन् २०१६ मा भएको एक अध्ययन अनुसार अदुवामा धेरै प्रकारका ब्याक्टेरियासँग लड्ने क्षमता रहेको अध्ययनले देखाएको छ । अदुवा एन्टि–ब्याक्टेरिया र एन्टी–इन्फ्लेमेटरी गुणहरूले धनी छ । जसमा एन्टि–माइक्रोबियल गुण हुन्छ । जसले माइक्रोब र ब्याक्टेरियासँग लड्न मद्दत गर्छ ।

ल्वाङः
मौसम परिवर्तनसँगै देखिने बिभिन्न समस्याको समाधानको लागी ल्वाङ एउटा महत्वपूर्ण घरेलु औषधी हो । शताब्दीयौंदेखि दाँत सम्बन्धी समस्याबाट छुटकारा पाउनको लागि प्रयोग गरिँदै आएको कुरा हो । तसर्थ, ल्वाङ पनि एक प्राकृतिक एन्टिबायोटिकको रूपमा देख्न सकिन्छ ।