अखबार नेपाल ट्रेन्डिङ

काठमाडौं: सहिद स्मारक ए डिभिजन लिग अन्तर्गत आजदेखि दशौं चरणका खेल सुरु हुँदैछन् । दशौं चरणको पहिलो दिन दुबै खेल त्रिपुरेश्वरस्थित दशरथ रंगशालामा हुने छन् । अपरान्ह १२ बजे हुने पहिलो खेलमा थ्रीस्टार क्लब र सरस्वती युथ क्लब प्रतिश्पर्धा गर्दैछन् भने दोस्रो खेलमा अपरान्ह ३ बजे मछिन्द्र र विभागीय टिम एपीएफ भिड्नेछन् ।

त्यस्तै दोस्रो दिन खेल दशरथ रंगशालामै हुने खेलमा हिमालयन शेर्पा र संकटा तथा त्रिभुवन आर्मी र नेपाल पुलिस खेल्नेछन् । सोमबार एन्फा मैदानमा जावालाखेल र ब्रिगेड बोइज तथा मनाङ मर्स्याङ्दी र च्यासल युथबीच प्रतिश्पर्धा हुनेछ । अन्तिम दिन मंगलबार एन्फा मैदानमा न्युरोड टिम एनआरटी र फ्रेन्डसबिच प्रतिस्पर्धा हुनेछ ।

नवौँ चरण सकिदासम्म त्रिभुवन आर्मी २० अंकसहित शीर्ष स्थानमा छ भने समान १९-१९ अंकका साथ मछिन्द्र र मनाङ क्रमश दोस्रो र तेस्रोमा छन् । यस्तै चौथो स्थानमा न्युरोड टिम एनआरटी रहेको छ भने पाचौंमा रहेको थ्रीस्टारको १४ अंक छ । छैटौं स्थानमा पनि १४ अंकसहित नेपाल पुलिस क्लब रहेको छ । सातौं र आठौं स्थानमा रहेका जावलाखेल र संकटाले समान १२-१२ अंक जोडेका छन् । फ्रेण्ड्स क्लब ११ अंक सहित नवौं स्थानमा रहँदा ९ अंक जोडेको च्यासल १० औं स्थानमा, ८ अंकसहित विग्रेड ब्वाईज ११ औं स्थानमा तथा सात अंक जोडेको हिमालयन शेर्पा १२ औं स्थानमा रहेका छन् । विभागीय टिम एपीएफ १३ औं र सरस्वती युथ क्लब अन्तिममा रहेको छ ।