अखबार नेपाल ट्रेन्डिङ

एजेन्सी: उत्तर कोरियाले आफ्नो आणविक कार्यक्रमलाई निरन्तरता दिने बताएको छ । निकट भविष्यमै रणनीतिक हतियार पेश गर्ने तयारी गरेको जनाएको हो । अमेरिकासँग आणविक हतियारका विषयलाई लिएर सम्बन्ध बिग्रिएका बेला नेता किम जोङ उनले आफूहरुले थप आणविक परीक्षण गर्न लागेको बताइको कोरियाली समाचार संस्थाहरुले जनाएका छन् ।

नेता किमले गत शनिबार सत्तारुढ वकर्स पार्टीको बैठकमा नयाँ रणनीतिक योजना सार्वजनिक गरेका थिए । उनले उत्तर कोरियाको आणविक अवरोधलाई अझ विकसित गर्ने प्रतिवद्धता समेत व्यक्त गरेको समाचार सार्वजनिक भएका थिए । यसैबीच अमेरिकी विदेशमन्त्री माइक पोम्पेओले उत्तर कोरिया आफैं द्वन्द्वमा जान चाहेको आरोप लगाएका छन् । उनले उत्तरको एकलौटी निर्णयले अफ्ठेरो पर्नसक्ने चोतावनी समेत दिए । यसअघि राष्ट्रपति ट्रम्पसँग भएको वार्ताममा नेता किमले अमेरिकाले आफ्नो अपेक्षा पूरा नगरे नयाँ बाटो अवलम्बन गर्ने बताएका थिए ।