अखबार नेपाल ट्रेन्डिङ

काठमाडौं: संयुक्त राज्य अमेरिकाको न्युयोर्कमा हुँदै आईरहेको ‘नेपाल डे परेड २०२६’ को कन्भेनरको रुपमा पासाङ दोर्जी शेर्पा एपी लामा चयन भएका छन् ।

सन् २०१६ देखि निरन्तर रुपमा नेपाली कला, संस्कृति, रीतिरिवाज, परम्परा र पहिचानको प्रवासी भुमिमा स्थायित्वको निमित्त हुँदै आईरहेको ‘नेपाल डे परेड २०२६’ को कन्भेनरको रुपमा शेर्पा संघ अमेरिकाका अध्यक्ष समेत रहेका एपी शेर्पा लामालाई परेडको पहिलो टाउनहल बैठकले चयन गरेको हो ।

टाउनहल बैठकमा यस वर्षको परेड डेका लागि दुई जना कन्भेनरका रुपमा दाबी पेस गरेका थिए । सोही क्रममा एक घण्टाको लामो छलफल पश्चात कन्भेनरको दाबी गरेका अर्का कृष्ण आचार्यले आफुले यसपालि पासाङ दोर्जी शेर्पा एपी लामालाई  सहयोग पुर्याउने भन्दै आफ्नो दाबी फिर्ता लिएपछि एपी शेर्पा लामा चयन भएको हो ।