अखबार नेपाल ट्रेन्डिङ

एजेन्सीः तालिवान सरकारले अफगानिस्तानका विश्वविद्यालयको पाठ्यक्रमबाट महिलाले लेखेका पुस्तक हटाउने निर्णय गरेको छ । यससँगै मानवअधिकार र यौन उत्पीडनको शिक्षामा पनि प्रतिबन्ध गरेको छ ।

महिला लेखकका १४० पुस्तकमध्ये ‘रासायनिक प्रयोगशालामा सुरक्षा’ जस्ता किताब समेत समावेश छन् । बीबीसीका अनुसार कुल ६८० पुस्तकमाथि प्रतिबन्ध लगाइएको छ, जसलाई सरिया कानून र तालिबान विरोधी नीति जस्ता कुरा समावेश भएको आरोप छ ।

विश्वविद्यालयहरूलाई १८ विषयको पढाइमा प्रतिबन्धित गरिएको छ । प्रतिबन्धित विषयमध्ये ६ वटा महिला सन्दर्भमा छन्, जसमध्ये लिंग र विकास, सञ्चारमा महिलाको भूमिका र महिला समाजशास्त्र समावेश छन् ।

यो निर्णय तालिवान चार वर्ष अगाडि सत्तामा फर्किएपछिको प्रतिबन्ध श्रृंखलामा नयाँ कदम हो । यसै हप्ता, तालिवानका सर्वोच्च नेताका आदेशमा कम्तीमा १० प्रान्तमा फाइबर–अप्टिक इन्टरनेटमाथि प्रतिबन्धित लगाइएको छ, जसलाई अधिकारीहरूले अनैतिकता रोक्नको लागि गरिएको कदम भनेका छन् ।

यी कदमबाट विशेषगरी महिला प्रभावित भएका छन् । पछिल्ला प्रतिबन्धले अफगान विश्वविद्यालयहरूमा गहिरो खाडल स्थान सिर्जना भएको र यसले उच्च शिक्षा प्रणालीमा असर पारेको देखिएको छ ।