अखबार नेपाल ट्रेन्डिङ

काठमाडौं: नेपाल राष्ट्र बैंकले आज मौद्रिक नीति नल्याउने भएको छ । आवश्यक तयारी नपुगेको भन्दै आज मौद्रिक नीति सार्वजनिक नगर्ने भएको राष्ट्र बैंकले राष्ट्र बैंकले जनाएको छ । यसअधि आज बिहान राष्ट्र बैंक सञ्चालक समिति बैठक बसेर मौद्रिक नीति पारित गर्ने बताइएको थियो ।

प्रधानमन्त्री केपी शर्मा ओलीले हिजै आफ्नो आफ्नो आर्थिक सल्लाहकारमा डा‍. युवराज खतिवडालाई नियुक्त गरेका थिए । हिजै प्रधानन्त्री केपी शर्मा ओली र डा. खतिवडाले राष्ट्र बैंकका गभर्नर महाप्रसाद अधिकारीलाई बोलाएर मौद्रिक नीतिको व्रिफिङ लिएका थिए । सोही व्रिफिङमा डा. खतिवडाले केही संसोधनको आवश्यकता औंल्याएको स्रोत बताउँछ । राष्ट्र बैंकका भुतपुर्व गभर्नर समेत रहेका डा. खतिवडा मौद्रिक नीतिका विज्ञ हुन् ।

बैंकको सम्पत्ति तथा सेवा व्यवस्थापन विभागले नवनिर्मित केन्द्रीय कार्यालय भवनको सभाहलमा मौद्रिक नीति सार्वजनिक गर्न लागेको थियो । १० वर्षपछि आफ्नै भवनमा राष्ट्र बैंकको मौद्रिक नीति सार्वजनिक गर्न लागिएको हो ।