अखबार नेपाल ट्रेन्डिङ

काठमाडौं: नेपालले आईसीसी टी–२० विश्वकपअघि अमेरिका र क्यानडासँग वामअर्प म्याच खेल्ने भएको छ । अन्तर्राष्ट्रिय क्रिकेट परिषद् (आईसीसी)ले बिहीबार सार्वजनिक गरेको आधिकारिक तालिका अनुसार नेपालले एसोसिएट राष्ट्रहरू अमेरिका र क्यानडासँग वामअर्प म्याच खेल्ने भएको हो ।

आईसीसीले वामअर्प म्याचका लागि २७ मेदेखि १ जुनसम्मको तालिका सार्वजनिक गरेको छ । नेपालले २७ मेमा क्यानडासँग खेल्ने छ । खेल ग्रान्ड प्रेयरी क्रिकेट रंगशाला, टेक्सासमा हुनेछ । आईसीसीका अनुसार विश्वकपअघि टेक्सासको ग्रान्ड प्रेयरी क्रिकेट स्टेडियम, फ्लोरिडाको ब्रोवार्ड काउन्टी स्टेडियम, क्विन्स पार्क ओभल र ट्रिनिडाड एन्डा टोबागोको ब्रायन लारा क्रिकेट एकेडेमीमा १६ वटा अभ्यास खेल हुनेछन् ।

दक्षिण अफ्रिकासहित कुल १७ टिमले अभ्यास खेल खेल्नेछन् । यी वामअर्प म्याच २०/२० ओभरको हुने छ । तर, अन्तर्राष्ट्रिय टी–२० मान्यता प्राप्त हुनेछैन । त्यसैले आफ्नो १५ सदस्यीय टोलीका सबै सदस्यहरूलाई मैदानमा उतार्न पाइने छ ।