अखबार नेपाल ट्रेन्डिङ

काठमाडौं: आईसीसी पुरुष टी-२० विश्वकप तयारीका लागि नेपाली राष्ट्रिय क्रिकेट टोलीलाई अर्थ मन्त्रालयले ५ करोड रकम निकासा गरेको छ । राष्ट्रिय खेलकुद परिषद् राखेपका सदस्य–सचिव टंकलाल घिसिङले तयारी खर्च निकासा भएको जानकारी दिदै नेपाल सरकार, प्रधानमन्त्री, अर्थ मन्त्रालय र युवा तथा खेलकुद मन्त्रालयलाई धन्यवाद दिएका छन् ।

खेलकुदको महत्वलाई बुझेर रकम निकासा गर्न सहयोग गर्ने नेपाल सरकार, प्रधानमन्त्री, अर्थ मन्त्रालय र युवा तथा खेलकुद मन्त्रालयप्रति हार्दिक आभार प्रकट गर्दै धन्यवाद दिन चाहन्छु ।’ सदस्य–सचिव घिसिङले भने,  ‘नेपाली टोली विश्वकपमा पुगपछि प्रधानमन्त्रीले नेपाली टोलीको तयारीका लागि लाग्ने खर्चमा कुनै कमी हुन नदिने प्रतिबद्धता व्यक्त गर्नुभएको थियो । प्रधानमन्त्रीबाट प्रतिबद्धता पूरा भएको छ । अब खेलाडीले उच्च मनोबलका साथ तयारी गर्दै विश्व कपमा उत्कृष्ट प्रदर्शन गरी नेपालको प्रतिष्ठा अझ अभिबृद्धि गर्ने विश्वास लिएको छु ।’

सदस्य–सचिव घिसिङले नेपाल क्रिकेट संघलाई पूर्ण तयारीका लागि गम्भीर भएर अगाडि बढ्न भन्दै नेपाली टोलीलाई शुभकामना दिएका छन् । युएइलाई ८ विकेटले हराउँदै नेपाल टी-२० विश्वकपमा छनोट भएको थियो । सन् २०१४ मा पहिलोपटक टी-२० विश्वकप खेलेको नेपालले १० वर्षपछि पुन विश्वकप खेल्न लागेको हो ।