अखबार नेपाल ट्रेन्डिङ

काठमाडौं: गैरआवायीय नेपाली संघ (एनआरएनए) को ११औँ महाधिवेशन नजिकिएसँगै चुनावी सरगर्मी बढ्न थालेको छ । एनआरएनएका अभियन्ताहरु आफ्नो पक्षमा माहोल बनाउन विश्वभर प्रचारप्रसारदेखि उम्मेदवारी घोषणालाई तीव्र बनाएका छन् ।

चुनावको माहोलकाबीच गैरआवासीय नेपाली संघका निवर्तमान महासचिव डा. केशब पौडेलले उपाध्यक्षको उम्मेदवारी घोषणा गरी देशव्यापी मतदाता भेटघाटमा व्यस्त भएका छन् । लामो समयदेखि राजनीतिक साामाजिक क्षेत्रमा क्रियाशिल डा. पौडेलले एनआरएनएको उपाध्यक्षको भएर संघलाई रुपान्तरण गर्ने योजना अघि सारेका छन् ।

तनहुँको विकट गाउँमा जन्मिएका पौडेल नेपालमा रहदा पनि राजनीति र सामजिक सेवामा सदैव अग्रसर अग्रणी भूमिकामा थिए । चिकित्साशास्त्र अध्यायनसँगै नेपाली कांग्रेसको भातृसंगठन नेपाल विद्यार्थी संघको राजनीतिमा लामो समय क्रियाशिल रहेर काम गरेका थिए ।

राजनीतिमा आवद्ध भएर नेपालको परिवर्तनकारी सबै आन्दोलनमा अहम भूमिका निर्वाह गरेका डा. पौडेल शिक्षण अस्पताल आइओएम नेपाल विद्यार्थी संघको तर्फबाट दुईपटक स्वबियु सभापति भएका थिए । नेपाली काँग्रेसका वर्तमान महामन्त्री विश्वप्रकाश शर्मा र नेता गुरु घिमिरे नेपाल विधार्थी संघको अध्यक्ष रहेका बेला दूई पटका केन्द्रीय सदस्य समेत बनेका थिए । नेपालमा रहदा राजनीतिक तथा सामाजिक क्षेत्रमार्फत विभिन्न तहको नेतृत्व सफलतापूर्वक निर्वाह गर्नुभएका डा. पौडेलले संयुक्त राज्य अमेरिकालाई कर्मभूमि बनाएपछि पनि निरन्तर जनसेवामा लागिरहेका छन् ।

सामाजिक संस्था गैरआवासीय नेपाली संघ अमेरिकाको दुईपटक अध्यक्षमा निर्वाचित हुँदै गैरआवासीय नेपाली संघ केन्द्रीय समितिको महासचिवको भुमिका समेत अत्यन्तै स्मरणयोग्य रहेको एनआरएनएका मतदाताहरुले बताएका छन् । उनी उपाध्यक्षका उम्मेदवार बनेसँगै देशव्यापीरुपमा मतदाता भेटघाटको अभियानलाई तिब्रता दिएका छन् ।