अखबार नेपाल ट्रेन्डिङ

काठमाडौं: सहिद स्मारक ‘ए’ डिभिजन लिग फुटबल अन्तर्गत आज सिजनको अन्तिम चरणको अन्तिम तीन खेलहरु हुँदैछ । जसमा दुई खेल त्रिपुरेश्वरस्थित दशरथ रंगशालामा र एक खेल च्यासल मैदानमा हुनेछ ।

दशरथ रंगशालामा हुने पहिलो खेलमा मछिन्द्र फुटबल क्लब र मनाङ मर्स्याङ्दी क्लबबीच प्रतिस्पर्धा हुनेछ । यी दुईबीचको खेल दिउँसो २ बजे सुरु हुनेछ ।

लिगको उपविजेता मछिन्द्र आज जित निकाल्दै सिजनको सुखद अन्त्य गर्न चाहन्छ । मछिन्द्र २५ खेलमा ४२ अंक जोडेर दोस्रो स्थानमा छ । मनाङ पनि जित निकाल्दै लिगलाई सुखद अन्त्य गर्न चाहन्छ । मनाङ २५ खेलमा ३२ अंक जोडेर आठौं स्थानमा छ ।

रंगशालामा हुने दोस्रो खेलमा जावलाखेल युथ क्लब र थ्री स्टार क्लबबीच प्रतिस्पर्धा हुनेछ । यी दुईबीचको खेल दिउँसो ५:३० बजे सुरु हुनेछ । जावलाखेल जित निकाल्दै सिजनको सुखद अन्त्य गर्न चाहन्छ ।  जावलाखेल २५ खेलमा ३७ अंक जोडेर चौंथो स्थानमा छ ।

थ्री स्टार आज जित निकाल्दै रेलिगेसनबाट जोगिन चाहन्छ । थ्री स्टार २५ खेलमा २९ अंक १३ औं स्थानमा रहेको छ ।

यस्तै च्यासलमा संकटा क्लब र न्युरोड टिम एनआरटीबीच प्रतिस्पर्धा हुनेछ । यी दुईबीचको खेल दिउँसो २ बजे सुरु हुनेछ । संकटा र एनआरटी आज जित निकाल्दै सिजनको सुखद अन्त्य गर्न चाहन्छ । संकटा २५ खेलमा ३१ अंक जोडेर नवौं स्थानमा छ । एनआरटी २५ खेलमा ३३ अंक जोडेर सातौं स्थानमा छ ।