अखबार नेपाल ट्रेन्डिङ

काठमाडौं: सर्वोच्च अदालतले  राष्ट्रिय स्वतन्त्र पार्टीले सांसद् पदबाट हटाइएका ढाकाकुमार श्रेष्ठलाई कारबाही गर्नुको कारण मागेको छ ।

उनले दायर गरेको मुद्दामा सर्वोच्च अदालतले अल्पकालीन अन्तरिम आदेश जारी गरेको हो । सर्वोच्च अदालतका न्यायाधीश तिलप्रसाद श्रेष्ठको एकल इजलासले सांसद श्रेष्ठलाई कारबाही गर्नुको कारण माग गर्दै अल्पकालीन अन्तरिम आदेश जारी छ ।

उनले स्वास्थ्य मन्त्री बन्न सभापति रवि लामिछानेको ‘कोर टिम’का लागि दुई करोड रुपैयाँ बुझाउनेपर्ने भन्दै मेडिकल व्यवसायी दुर्गा प्रसाईंसँग मागेको अडियो सार्वजनिक भएको थियो ।

दुईबीचको उक्त फोनसंवाद बाहिरिएपछि रास्वपाले साधारण सदस्यसमेत नरहनेगरी कारबाही गरेको थियो । सांसद् पदबाट हटाइएपछि उनले पार्टीको केन्द्रीय आचरण तथा अनुशासन समिति लगायतलाई विपक्षी बनाएर मुद्दा हालेका थिए । सर्वोच्चले दुवै पक्षलाई बोलाउने आदेश पनि गरेको छ ।

उनका पक्षमा अल्पकालीन अन्तरिम आदेश जारी हुनुका साथै अन्तरिम आदेशका लागि सर्वोच्चले छलफलमा बोलाएको हो। यसकारण उनको सांसद पद तत्कालका नजाने भएको छ । रास्वपाले भने उनलाई हटाएर बिन्द्यबासिनी कंसाकारलाई सांसद्का लागि सिफारिस गरिसकेको छ ।