अखबार नेपाल ट्रेन्डिङ

काठमाडौं: आज विश्व बाघ दिवस नेपालमा पनि बाघ संरक्षणमा जोड दिदै विभिन्न कार्यक्रम गरी मनाइँदैछ । पर्या पर्यटनका लागि बाघ संरक्षण भन्ने नारासहित नेपालमा विभिन्न कार्यक्रम गरी मनाइदैछ ।

सन् २०१० मा नेदरल्यान्ड्सको सेन्ट पिटर्सवर्गमा भएको टाइगर समिटले सन् २०२० सम्ममा दुर्लभ पाटे बाघको संख्या दोब्बर बनाउने घोषण गर्यो । त्यही बेलादेखि जुलाई २९ लाई बाघ दिवस मनाउन थालिएको हो । नेपालले प्रतिवद्धता अनुसार बाघको संख्या सन २०२२ सम्ममा २ सय ५० पुर्यानुपर्नेछ । जुन संख्यामा पुग्न अब १५ वटा बढाउनेपुर्ने चुनौती छ । पछिल्लो आँकडा अनुसार नेपालमा बाघको संख्या २ सय ३५ वटा छन् । चितवन राष्ट्रिय निकुञ्जमा ९३, बर्दियामा ८७, बाँकेमा २१, पर्सामा १८ र शुक्लाफाँटामा १६ वटा बाघ छन् ।

एसियाका १३ देशमा पाटेबाघ पाइन्छ । एसियाभर करिव चार हजार संख्यामा पाटेबाघ छ । बाघ घना जंगलमा बस्न रमाउँछ तर जंगल विनास हुँदै जाँदा बाघ संरक्षण सबैभन्दा ठूलो चुनौती बनेको संरक्षणविद्हरूको भनाई छ । चोरीसिकारी, आहरा, वासस्थान र बाघका अंग तथा छालाको अवैध अन्तर्राष्ट्रिय व्यापारका कारण बाघलाई जोगाउन चुनौति रहेको छ ।