अखबार नेपाल ट्रेन्डिङ

काठमाडौं: नेकपा (माओवादी केन्द्र)का अध्यक्ष पुष्पकमल दहाल ‘प्रचण्ड’ सहभागी हुने लोकतान्त्रिक वाम गठबन्धनको भोजपुरको चुनावी सभामा विस्फोट भएको छ ।

भोजपुरको  पौवादुम्मा गाउँपालिकाको तिवारीभञ्ज्याङमा गठबन्धनले आयोजना गरेको चुनावी सभामा बुधबार दिउँसो साढे २ बजेतिर विस्फोट भएको हो ।

विष्फोटमा परि भाेजपुरकाे अरूण गाउँपालिका ४ का सुमन श्रेष्ठ घाइते भएकाे प्रहरीले जनाएकाे छ । उनकाे खुट्टामा चाेट लागेकाे र बम उनले नै बाेकेकाे शङ्का गरिएकाे छ ।

माओवादी केन्द्रका अध्यक्ष प्रचण्डले आज बुधबार एकै दिन मोरङ, सुनसरी, भोजपुर, खोटाङ र ताप्लेजुङमा गठबन्धन दलले आयोजना गर्ने चुनावी सभालाई सम्बोधन गर्ने कार्यक्रम थियो ।

मोरङको सुन्दरहरैँचा र सुनसरीको धरानमा भएको चुनावी सभालाई सम्बोधन गरिसकेपछि प्रचण्ड भोजपुर जान लागेका थिए ।