अखबार नेपाल ट्रेन्डिङ

काठमाडौ: आगामी प्रदेशसभा र प्रतिनिधिसभाको निर्वाचनका सन्दर्भमा आचारसंहिता लागू गर्नुपर्ने भएकोले सोको विषयमा छलफल गर्न निर्वाचन आयोगले विभिन्न १२ दललाई बोलाएको छ ।

आयोगले केही दिनभित्रै केही आचारसंहिता लागू गर्ने र सोको लागि राजनीतिक सहमति चाहिने भएकोले आज आयोगले छलफल गर्न लागेको हो ।

छलफलमा प्रधानमन्त्री, गृहमन्त्रीसहित १२ राजनीतिक दलका प्रमुख र पदाधिकारीलाई निमन्त्रणा गरिएको छ।

प्रधानमन्त्री शेरबहादुर देउवा आयोग जाने वा नजाने जानकारी आइसकेको छैन । आयोगले आचारसंहितामा प्रतिबद्धता लिन दलहरूलाई छलफलका लागि बोलाएको हो ।