अखबार नेपाल ट्रेन्डिङ

काठमाडौँ : अर्थमन्त्री जनार्दन शर्मा यतिखेर बिबादको शिखरमा रहेका छन् । उनले ल्याएको बजेटका कारण उनी बिबादमा तानिएका हुन ।

उनले बजेटलाई अन्तिम रुप दिदै गर्दा बाहिरी विज्ञको रुपमा भूतपूर्व नायब सुब्बालाई ल्याएको खबर एक दैनिक पत्रिकाले छापेपछि विवादले झन उग्र रुप लियो ।

संसदमै प्रमुख प्रतिपक्षी दल नेकपा एमालेका सांसद योगेश भट्टराईले अर्थमन्त्रीको असक्षमता मात्र केलाएनन् उनले राजिनामा नै माग । संसदमा यतिका कुरा उठेपछि उनकै पार्टीभित्र पनि शर्माबिरुद्ध तीव्र असन्तुष्टि पैदा भएको छ ।

जसका कारण पार्टीभित्रैबाट पनि उनलाई अर्थमन्त्रीबाट गलहत्याएर निकाल्नका लागि पार्टी अध्यक्ष पुष्पकमल दाहाल(प्रचण्ड)लाई दबाब दिईएको छ । शर्मालाई पहिलेल्यैबाट मन नपराउने पार्टीका उच्च तहका नेताहरुले दबाब दिएपछि पार्टी अध्यक्ष प्रचण्ड अहिले सोचमग्न अवस्थामा रहेका छन् । यस विषयमा छलफल गर्नका लागि अहिले माओवादी केन्द्रले सचिवालय बैठक नै बोलाएको छ ।

अर्थमन्त्री शर्माका कारण जनताका सामु लज्जाशरम् भएकोले पार्टीभित्र जनताको विश्वास घट्दै गएको भन्दै उनलाई अर्थमन्त्रीबाट फिर्ता बोलाउनका लागि अहिले पार्टीभित्रकै केही नेता लागिपरेका छन् ।

उनीहरुले अर्थमन्त्रीलाई जसरी पनि मन्त्रीबाट खुस्काउने र त्यो पदमा अर्को नेतालाई पठाउने गरी माओवादीभित्र एउटा गिरोह नै लागिपरेको बताईन्छ ।