अखबार नेपाल ट्रेन्डिङ

काठमाडौं: बैशाख ३० गते हुने स्थानीय तहको निर्वाचनका लागि देशभर १० हजार ७५६ वटा मतदान स्थल निर्धारण गरिएको छ भने २१ हजार ९५५ मतदान केन्द्र तोकिएको छ ।

निर्वाचन आयोगका अनुसार आइतबार बसेको आयोगको बैठकले स्थानीय तहको निर्वाचनका लागि मतदाताको संख्या, मतदान स्थल र मतदान केन्द्रको टुंगो लगाएको हो ।

आयोगले सार्वजनिक गरेको सूची अनुसार मधेस प्रदेशमा सबैभन्दा बढी मतदान स्थल २ हजार १६३ वटा र ४ हजार १८९ वटा मतदान केन्द्र तोकिएका छन् ।

मधेस प्रदेशका ८ जिल्लामा गरी मतदाताको संख्या ३३ लाख ३१ हजार १७० रहेको आयोगले जनाएको छ ।

प्रदेश १ मा एक हजार ८७७ मतदान स्थल तथा ४ हजार ५१ मतदान केन्द्र निर्धारण गरिएको छ । ३३ लाख ४७ हजार ३८४ जना मतदाता रहेका छन् ।

बागमती प्रदेशमा एक हजार ७९२ मतदान स्थल तथा ४ हजार ९५ मतदान केन्द्र तोकिएको छ भने यस प्रदेशमा सबैभन्दा बढी ३४ लाख १२ हजार ८६९ जना मतदाता छन् ।

आयोगका अनुसार गण्डकी प्रदेशमा एक हजार २५३ मतदान स्थल छन् भने उक्त प्रदेशमा १७ लाख ८९ हजार ४११ मतदाता रहेका छन् ।

यसैगरी ३२ लाख १९ हजार ४५७ मतदाता रहेको लुम्बिनीमा एक हजार ६२९ मतदान स्थल तोकिएको छ । १० लाख एक हजार २८२ मतदाता रहेको कर्णालीमा ९०७ मतदान स्थल निर्धारण गरिएको छ ।

सुदूरपश्चिम प्रदेशमा १ हजार १३५ मतदान स्थल तय गरिएको छ । १६ लाख ३२ हजार १५० मतदाता रहेको निर्वाचन आयोगले जानकारी दिएको छ ।

हेर्नुहोस् तोकिएको मतदान स्थल, मतदान केन्द्र र मतदाताको विवरणः-