अखबार नेपाल ट्रेन्डिङ

काठमाडौं: विभिन्न समयमा खेल खेलेका पुराना खेलाडीहरुलाई प्रशंसा पत्रबाट सम्मान गर्दै श्री भगवती क्लबको ३१औं साधारणसभा सम्पन्न भएको छ ।

युवाहरुलाई खराब बाटोबाट सहि मार्गमा हिड्न अभिप्रेरित गर्ने उद्धेश्यले २०४७ सालमा स्थापित क्लबले सामाजिकका साथै खेलकुद बिशेषत फुटबलमा अगाडी बढाउँदै आईरहेको छ ।

टोखा नगरका मेयर प्रकाश अधिकारीले विभिन्न खेलाडीहरुलाई प्रशंसापत्रबाट सम्मान गरेका थिए । यस्तै एन्फाद्वारा सञ्चालन गर्न लागिएको शहिद स्मारक बी डिभिजन फुटबल प्रतियोगितामा प्रतिस्पर्धा गर्ने खेलाडीहरुलाई खेल पोशाक तथा किड समेत प्रदान गरिएको थियो ।

क्लबले विभिन्न समयमा देशमा देखापरेका आपत बिपतका बेला नगरबासीका साथै नेपाली नागरिकहरुलाई आवश्यक स्वास्थ्य तथा अन्य सहयोग पुरयाउने नागरबासीलाई सामाजिक सचेतना, सिपमुलक तथा आर्य आर्जन सम्वन्धी तालिमहरु प्रदान गर्नुका साथै युवाहरुलाईलाई गलत बाटोबाट जोगाउन खेलकुद तर्फ आकर्षण गर्ने उद्धेश्यले विविध खेलकुदहरुको आयोजना गर्दै आईरहेको छ ।

नेपालकै पहिलो धावक एवं टोखा नगरका प्रधानपंचको रुपमा नेतृत्व गरिसकेका स्व. गजराज जोशीसंग जोडीएको सहरको क्लबले खेलकुदमा बिशेषत पहिलो स्थानमा फुटबललाई राखेको छ ।

‘डि’ डिभिजनबाट ‘सि’ हुँदै ‘बी’ डिभिजनमा पुगेको क्लबले दुई पटक उपबिजेताको रुपमा आफुलाई उभ्याउन सफल भएको छ । यस पटक क्लबले ‘ए’ डिभिजनको यात्रा तय गर्ने लक्ष्य राखेको क्लबको अध्यक्ष ईन्द्रराज जोशीले जानकारी गराए ।