अखबार नेपाल ट्रेन्डिङ

काठमाडौं: अमेरिकी सहयोग परियोजना एमसीसीको विषयमा आज प्रतिनिधिसभाको बैठकमा छलफल  हुँदैछ ।

प्रतिनिधिसभाको बैठकमा एमसीसीको बिषयमा छलफल हुँदै गर्दा बानेश्वर क्षेत्रमा भने एमसीसी बिरोधी प्रदर्शन भईरहेको छ ।

प्रर्दशन हिंसात्मक हुन सक्ने अवस्थालाई मध्यनजर गर्दै सुरक्षाब्यवस्था कडा पारिएको छ । संसद भवन वरीपरी मात्र नभएर नेपालस्थित अमेरिकाको राजदुताबास रहेको क्षेत्र महाराजगंजमा समेत सुरक्षा ब्यवस्था कडा पारिएको छ ।

अहिले नयाँ बानेश्वरक्षेत्रमा नेकपा माओवादी केन्द्र, नेकपा एकीकृत समाजवादी पार्टी र अन्य एमसीसीको बिपक्षमा रहेका दलहरुले आन्दोलन गरिरहेका छन् ।

उनीहरुले चर्को रुपमा नाराबाजी गर्दै प्रदर्शन गरिरहेका छन् ।

अहिले केहीबेरमा प्रतिनिधिसभाको बैठक शुरु हुँदैछ । १ बजेदेखि प्रतिनिधिसभाको बैठक बस्ने भनेपनि अहिलेसम्म शुरु भएको छैन ।

एमसीसीको बिषयमा आज छलफल हुने भएपछि प्रधानमन्त्री शेरबहादुर देउवालाई माओवादी केन्द्रका अध्यक्ष र नेकपा एकीकृत समाजवादीका अध्यक्ष माधवकुमार नेपालले भेटेर फर्किएका छन् ।

उनीहरुबीच के कुरा भयो भन्ने विषय चाही अलिहेसम्म बाहिर आएको छैन ।