अखबार नेपाल ट्रेन्डिङ

काठमाडौं: राष्ट्रिय प्रजातन्त्र पार्टीबाट अलग भएका कमल थापाले नयाँ पार्टी खोल्ने घोषणा गरेका छन् ।

उनले पार्टी दर्ताका लागि प्रकृया समेत अगाडी बढाउँदैछन् ।

फागुनको पहिलो हप्ता नै थापाले नयाँ पार्टी खोल्ने तयारी गरेका छन् ।

बिहिबार काठमाडौ भएको छलफलबाट थापालाई नयाँ दल दर्ताका लागि जिम्मेवारी उनी निकटका नेताहरुले दिएका हुन ।

मंसिरमा सम्पन्न महाधिवेशनमा आफूलाई हराउने निर्मल निवासमाथि छानविन नगरेकोमा असन्तुष्टि जनाउँदै थापाले मंगलबार राप्रपा परित्यागको घोषणा गरेका थिए ।

यसरी राजतन्त्र परित्यागको घोषणासँगै उनले अब आफूले खोल्न लागेको पार्टीको नाम के राख्ने हुन भन्ने चौतर्फी चासोको विषय बनेको छ ।

राजतन्त्र छाडेर अब हिन्दुत्व, सुशासन र समृद्धिको मुख्य एजेण्डा राखेर दल दर्ता  गर्ने एक नेताले बताए  ।

दल दर्ताका लागि निर्वाचन आयोगसँग परामर्श भइरहेको र दर्ताको क्रममा अरु तयारीहरु भइरहेको छ  ।

बिहीबारको बैठकमा थापाले पार्टीको नाम र चुनाव चिह्न प्रस्ताव गर्न सहभागीहरुलाई आग्रह गरेका थिए । ‘विभिन्न नामहरु प्रस्ताव भएको छ । धेरैको  राष्ट्रिय एकता पार्टी नेपाल नाममा जोड भएको बताईएको छ । तर पार्टीको नाम र चुनाव चिन्ह के हुने भन्ने विषय थाहा पाउनको लागि केही दिन कुर्नुपर्ने अवस्था छ ।