अखबार नेपाल ट्रेन्डिङ

काठमाडौं: करिब एक दशक लामो समय बन्द भएको नेपाली रंगमञ्च ‘गुरुकुल’ आजबाट सुरु हुने भएको छ ।

थापागाँउस्थित कौशी थिएटरसँग एक वर्षको सम्झौता पश्चात पुस ३० गतेदेखि एक वर्षका लागि गुरुकुलले कमब्याक गर्न लागेको हो ।

कमब्याकलाई विशेष बनाउन कौशी थिएटरमा चित्रकारहरुको चहलपहल छ । विहान १० बजेदेखि १ बजेसम्म त्यही बसेर क्यानभास रंग्याउदै छन् ।

चित्रकलाको चहलपह सकेसँगै दिउँसो २ बजेदेखि कविता वाचन कार्यक्रम राखिएको छ भने ३ बजेदेखि उद्घाटन कार्यक्रम छ ।

उद्घाटन कार्यक्रमपछि ४:३० बजेदेखि गुरुकुलको विशेष शो अर्थात नाटक ‘पुतलीको घर’ मञ्चन हुँदैछ ।

गुरुकुलको कमब्याकको रुपमा आज विशेष शो मात्रै हुनेछ भने भोलीदेखि सोमबार बाहेक हरेक दिन दिउँसोको ४:३० बजे कौशीमा माघ २२ गतेसम्म नियमित मञ्चन हुँदैछ ।

शनिबार दिउँसोको १ बजे पनि गरेर दुई शो मञ्चन हुनेछ ।

हेनरिक इब्सनको नाटक ‘अ डल्स हाउस’ को नेपाली अनुवाद तथा निर्देशन सुनील पोखरेलले गरेका हुन् ।

नाटकमा पुरानै कलाकार टिम निशा शर्मा, मणि नेपाल, शेखर चापागाईं, राजकुमार पुडासैनी र अन्जु देउजाको अभिनय हेर्न सकिन्छ ।

नाटकको सुरुका चारदिन भने नेपालको पात्र सुनील पोखरेलले निभाउँदै छन् ।