अखबार नेपाल ट्रेन्डिङ

काठमाडौं: सहिद स्मारक ‘ए’ डिभिजन लिगमा संकटा क्लब र सातदोबाटो युथ क्लबले बराबरी खेल्दै अंक बाँडेका छन् ।

त्रिपुरेश्वरस्थित दशरथ रंगशालामा आज भएको खेलमा संकटा र सातदोबाटोले १–१ गोलको बराबरी खेलेका हुन् ।

खेलको पहिलो हाफको २३औं मिनेटमा सुशिल राईले गोल गर्दै सातदोबाटोलाई १–० को अग्रता दिलाएका थिए ।

खेलको ३२औं मिनेटमा संकटाका लागि जय गुरुङले गोल गर्दै खेललाई १–१ गोलको बराबरीमा ल्याए ।

बराबरीपछि अपराजित रहेको संकटा ८ खेलबाट १४ अंक जोडेर तेस्रो स्थानमा यथावत रहेको छ ।

संकटाले लिगको ८ खेलमा ३ जित र ५ बराबरीको नतिजा निकालेको छ ।

सातदोबाटो ८ खेलबाट ९ अंक जोडर आठौं स्थानमा यथावत रहेको छ ।

सातदोबाटोले लिगमा २ जित, ३ बराबरी र ३ हारको नतिजा निकालेको छ ।