अखबार नेपाल ट्रेन्डिङ

काठमाडौं: सहिद स्मारक ‘ए’ डिभिजन लिग फुटबलमा विभागीय त्रिभुवन आर्मी क्लब नव प्रवेशी सातदोबाटो युथ क्लबसँग बराबरीमा रोकिएको छ ।

त्रिपुरेश्वरस्थित दशरथ रंगशालामा आज भएको खेलमा आर्मीका दिनेश हेन्जनको गोलबाट आर्मीले १०औं मिनेटमा अग्रता लिएको थियो ।

टेक बहादुर बुढाथोकीको क्रसमा कप्तान जर्जप्रिन्स कार्कीले फ्लिक गरेको बलमा पिटर सेगुन पनि बिट हुदा अनमार्क रहेका दिनेशले सहजै जाली चुमाएका थिए ।

खेलको १६औं मिनेटमा सातदोबाटोका लागि अजायी मार्टिन्सले गोल गर्दै खेललाई १–१ गोलको बराबरीमा ल्याए ।

गोलरक्षक अभिषेक बरालको लामो पासलाई मार्टिन्सले पेनाल्टी बक्समा नियन्त्रणमा लिदै डिफेन्डर बिमल पाण्डेयलाई बिट गर्दै गरेको प्रहार गोलमा परिणत भएको थियो ।

यो बराबरीपछि अपराजित रहेको आर्मीको ५ खेलबाट ९ अंक पुगेको छ ।

आर्मी तेस्रो स्थानमा यथावत रहेको छ ।

सातदोबाटोको ५ खेलबाट ८ अंक पुगेको छ ।