अखबार नेपाल ट्रेन्डिङ

काठमाडौं: जनता समाजवादी पार्टी (जसपा) स्थापना भएको एक वर्ष पुरा भएको छ ।

सो उपलक्ष्यमा नेताहरुले शुभकामना गरेका छन् ।

पार्टीका संघीय परिषद्का अध्यक्ष डा. बाबुराम भट्टराईले हिमाल, पहाड, तराई–मधेश जोड्ने अग्रगामी वैकल्पिक शक्तिको रुपमा स्थापित जसपालाई सबैखाले अवसरवाद र देशी–विदेशी षडयन्त्रबाट बचाउँदै देशको नेतृत्वदायी स्थानमा पुर्याउन अपिल गरेका छन् ।

जनता समाजवादी पार्टी स्थापनाको एक बर्ष पूरा भएको उपलक्ष्यमा सबै नेता-अभियन्ता,समर्थक र जनसमुदायमा हार्दिक वधाइ तथा शुभकामना! हिमाल/पहाड/तराई-मधेस जोड्ने अग्रगामी वैकल्पिक शक्तिको रूपमा स्थापित जसपालाई सबै भित्री-बाहिरी आॅधीबेहरीबाट रक्षा गर्दै देशको नेतृत्वदायी स्थानमा पुर्याऔं! pic.twitter.com/uqoH3OKnLg

— Baburam Bhattarai (@brb1954) April 23, 2021

समाजिक सञ्जालबाट अपिल गर्दै उनले जसपाको मूल आदर्श समावेशी, लोकतन्त्र, संघीयता, सुशासन, समतामूलक समृद्धि र समुन्नत समाजवादलाई कहिल्यै नबिर्सन पार्टी पङ्क्तिलाई आग्रह गरेका छन् ।

त्यस्तै, सोही पार्टीका केन्द्रीय कार्यकारिणी सदस्य केशव झाले पनि पार्टी स्थापना दिवसको अवसरमा सबैमा शुभकामना व्यक्त गर्दै जसपा नेपाललाई देशको वैकल्पिक शक्ति निर्माण गर्नका लागि सम्पूर्ण पार्टी पंक्ति क्रियाशील हुन आग्रह गरेका छन् ।

तत्कालिन समाजवादी पार्टी र राष्ट्रिय जनता पार्टी नेपाल मिलेर २०७७ वैशाख १० गते जसपा नेपाल स्थापना भएको थियो ।

भारतको महाराष्ट्रमा कोरोना विशेष अस्पतालमा आगलागी हुँदा १३ जनाको मृत्यु