अखबार नेपाल ट्रेन्डिङ

एजेन्सी: स्पेनिस ला लिगा फुटबलका उपाधि दाबेदार बार्सिलोनाले रियल सोसिडाडमाथि ६-१ गोल अन्तरको फराकिलो जित निकालेको छ ।

बार्सिलोनाको जितमा कप्तान लियोनल मेस्सी र सेर्जिनो डेस्टले दुई दुई गोल गरे ।

एन्टोनियो ग्रीजम्यान र ओसुमाने डेम्बेलेले एक एक गोल गरे ।

सोसिडाडका एण्डरले रक गोल फर्काए ।

सोसिडाडको मैदानमा ग्रीजम्यानले ३७औं मिनेटमा गोल गर्दै बार्सिलोनालाई अग्रता दिलाएका थिए ।

त्यसपछि खेलको ४३औं मिनेटमा डेस्टले गोल गरेपछि पहिलो हाफमा बार्सिलोना २-० ले अघि रह्यो ।

खेलको ५३औं मिनेटमा डेस्टले व्यक्तिगत दोस्रो गोल गरेपछि बार्सिलोनाको अग्रता ३-० को बन्यो ।

५६औं मिनेटमा लियोनेल मेस्सीले गोल गर्दै टिमलाई ४-० को अग्रता दिलाए ।

खेलको ५१औं मिनेटमा डेम्बेलेले गोल गर्दा बार्सिलोना ५-० ले अघि रह्यो ।

औं मिनेटमा एण्डरले घरेलु टोलीका लागि एक गोल फर्काए ।

त्यसपछि खेलको ८९औं मिनेटमा मेस्सीले व्यक्तिगत दोस्रो गोल गर्दै टिमलाई ६-१ को जित दिलाए ।

यस खेलसँगै मेस्सीले बार्सिलोनाका लागि सर्वाधिक धेरै खेल खेल्ने कीर्तिमान बनाएका छन् ।

मेस्सी बार्सिलोनाका लागि ७ सय ६८ खेल खेल्दै क्लबका लागि सर्वाधिक धेरै खेल्ने खेलाडी बनेका हुन् ।

जितपछि बार्सिलोना लिगको दोस्रो स्थानमा समेत उक्लिएको छ ।

बार्सिलोनाले २८ खेलमा ६२ अंक जोडेको छ ।

सोसिडाड ४५ अंक जोडेर पाँचौं स्थानमा रहेको छ ।

हेर्नुहोस् तपाईको आज २०७७ चैत ९ गते सोमबारको तपाईको राशिफल