अखबार नेपाल ट्रेन्डिङ

काठमाडौं: पछिल्लो २४ घण्टामा नेपालमा थप पाँच सय जनामा कोरोना भाइरस संक्रमण पुष्टि भएको छ ।

संक्रमितमा २ सय १३ महिला र २ सय ८७ पुरुष रहेको स्वास्थ्य तथा जनसंख्या मन्त्रालयले जनाएको छ ।

मन्त्रालयका अनुसार पछिल्लो २४ घण्टामा थप ३ जनाको मृत्यु हुँदा ८ सय ४० जना निको भएका छन् ।

यससँगै देशभर कोरोना संक्रमितको कुल संख्या २ लाख ५७ हजार ७ सय जना पुगेको छ भने निको हुनेको संख्या २ लाख ४९ हजार १ सय ३२ जना रहेको छ ।

हाल देशभर कोरोनाका सक्रिय संक्रमित ६ हजार ७ सय ४९ जना रहेको छ भने संक्रमण निको हुने दर ९६.७ प्रतिशत रहेको छ ।

यस्तै हालसम्म कुल १ हजार ८ सय १९ जनाको कोरोनाबाट मृत्यु भएको छ ।

यस्तै पछिल्लो २४ घण्टामा ५ हजार ४ सय ३४ जनाको कोरोना परीक्षण भएको छ ।

यससँगै देशभर १९ लाख ५ हजार ८ सय २६ जनाको पीसीआर परीक्षण भएको छ ।