अखबार नेपाल ट्रेन्डिङ

काठमाडौंः कोरोना बिमा रकम ७ दिनभित्रै भुक्तानी दिन पुनः अर्थ मन्त्रालयले निर्देशन पठाएको छ । अर्थ मन्त्रालयले आफ्नो निर्देशन कार्यान्वयनमा नआए पछि पुनः ताकेता निर्देशन पठाएको हो ।

अर्थमन्त्रालयले यस अघिको निर्देशन कार्यान्वयन नभएको भन्दै बिमा कम्पनीहरुका नियमनकारी निकाय बिमा समितिलाई ३ दिनभित्रै कोरोना बिमाको रकम भुक्तानी गरी जानकारी मन्त्रालयमा पठाउन निर्देशन समेत दिएको छ ।

हाल कुन कुन बिमा कम्पनीमा कति संख्यामा दाबी परेको छ सोको विवरण समेत पठाउन भन्दै अर्थ मन्त्रालयले समस्या समाधानका लागि समितिबाट के कति प्रयास भइरहेको छ र मन्त्रालयमा सहजीकरणका लागि पहल गर्नुपर्ने विषय के के हुन् भन्दै त्यसको विस्तृत विवरण पठाउन पनि भनेको छ ।

अर्थमन्त्रालयले जारी गरेको पत्रमा ‘कोरोना बिमाको हालसम्मको दाबी संख्या, कागजात पूरा भएका दाबी संख्या, प्रमाणीकरणका लागि स्वास्थ्य सेवा विभागमा पठाएको संख्या, प्रमाणीकरण नभएका वा नक्कली दाबी विवरण, दाबी भुक्तानीको विवरण र सबै कागजात पूरा भई भुक्तानी गर्न बाँकी विवरण सार्वजनिक समेत गर्नुहुन अनुरोध गरेको छ

हाल सम्म १३ हजार भन्दा धेरैको कोरोना बिमाको रकम भुक्तानी हुन बाँकी छ ।