अखबार नेपाल ट्रेन्डिङ

एजेन्सी: इन्डियन प्रिमियर लिग (आईपीएल) टी-ट्वान्टी क्रिकेटको दोस्रो क्वालिफायरमा आज दिल्ली क्यापिटल्स र सनराइजर्स हैदराबादबीच प्रतिस्पर्धा हुँदैछ ।

फाइनल पुग्नका लागि हुने दिल्ली र हैदराबादबीचको खेल आबुधाबीमा हुनेछ । खेल नेपाली समय अनुसार राति ७:४५ बजे सुरु हुनेछ ।

आजको विजेताले फाइनलमा मुम्बई इण्डियन्ससँग खेल्नेछ । यस खेलमा पराजित हुने टिम भने बाहिरिनेछ ।

दिल्ली पहिलो क्वालिफायरमा मुम्बईसँग ५७ रनले पराजित भएको थियो । तर, आईपीएलको नियम अनुसार दिल्लीले दोस्रो क्वालिफायर खेल्ने मौका पाएको हो ।

श्रेयस एयरको कप्तानीमा रहेको दिल्ली हैदराबादलाई हराउँदै पुन: मुम्बईसँगको भेट पक्का गर्न चाहन्छ । तर, दिल्लीलाई हैदराबादविरुद्ध जित निकाल्न भने सहज हुने छैन ।