अखबार नेपाल ट्रेन्डिङ

काठमाडौं:  चितवन राष्ट्रिय निकुञ्जमा हात्तीको आक्रमणबाट माहुतेको मृत्यु भएको छ ।

निकुञ्जभित्र हात्तीले आक्रमण गर्दा रौतहटको चन्द्रनिगाहापुर घर भइ रत्ननगर नपा–६ चितवन बस्दै आएका ३६ वर्षीय माहुते हंसराज कुँमर धामीको आज दिउँसो मृत्यु भएको हो ।

हात्ती चराउने क्रममा तर्सिएर भाग्दा हात्तीबाट खसेका धामीलाई  साढे चार वर्षको राजागज नामको भाले हात्तीले कुल्चिनुका साथै दाह्राले आक्रमण गर्दा घटनास्थलमै मृत्यु भएको राष्ट्रिय प्रकृति संरक्षण कोषले जनाएको छ ।

मृतकको शव पोष्टमार्टमका लागि भरतपुर अस्पताल पठाइएको छ। राजगज हात्ती राष्ट्रिय प्रकृति संरक्षण कोषमा नै जन्मिएर हुर्किएको हात्ती हो ।