अखबार नेपाल ट्रेन्डिङ

काठमाडौं: सरकारले नेपाल आउने पर्यटकको निगरानीका लागि तयार पारेको अनलाइन ट्रयाकिङ सिस्टमको  सफल परीक्षण गरेको छ ।

अनलाइन ट्रयाकिङ सिस्टमले पर्यटक विमानस्थलबाट होटेलमा चेक-इन भई अनलाइन माध्यम प्रयोग गरी गर्ने हरेक गतिविधिलाई आफ्नो संयन्त्रमार्फत निगरानी गर्न सक्ने संस्कृति, पर्यटन तथा नागरिक उड्डयन मन्त्रालयले  जनाएको छ ।

यस प्रणालीले पर्यटकको यात्रा इतिहास पत्ता लगाउन, सम्भावित नकारात्मक गतिविधिको निगरानी गर्न, प्राकृतिक प्रकोप, हिमपातजस्ता आपतिकालीन अवस्थामा  उद्धार गर्न र पर्यटकको सुरक्षा अभिवृद्धिमा ठूलो सहयोग पुग्ने छ ।

कोरोना भाइरसको महामारीको समयमा नेपाल आएका पर्यटकको निगरानीका लागि  विकास गरिएको यो प्रणाली प्रयोग गरि ३५ जना पर्यटकको निगरानी गरिएको मन्त्रालयले जनाएको छ ।