अखबार नेपाल ट्रेन्डिङ

एजेन्सीः जापानले आफ्नो देशमा हुने तय भएको ग्रीष्मकालिन ओलम्पिक प्रतियोगिता निर्धारित समयमै आयोजना गर्ने प्रतिवद्धता पुनः दोहोर्याएको छ । कोरोना भाइरसका कारण यस बर्षका लागि निर्धारित प्रतियोगिता एक बर्ष पर धकेलिएको छ । तर प्रतियोगिता २०२१ मा पनि आयोजना हुने वा नहुने भन्नेमा अझै दुविधायुक्त खबरहरु आइहेका छन् ।

स्वास्थ्य महामारीका कारण एक बर्ष पर सारिएको प्रतियोगिता फेरी सारिए प्रतियोगिता गर्नुभन्दा रद्द गर्नु नै उचित हुने ओलम्पिक कमिटिका एक पदाधिकारीले पनि प्रतिक्रिया दिएका थिए । यसै सन्दर्भका जापान सरकारका प्रवक्ताले अर्को बर्ष ओलम्पिक प्रतियोगिता आयोजना हुने र त्यो जापानमा नै हुने स्पष्ट पारेको छ । प्रतियोगिता आयोजना स्थलमा उच्च स्वास्थ्य सतर्कता अपनाइने भनिए पनि दर्शकहरुको उपस्थितिबारेमा भने केही नबोलेको बताइएको छ ।