अखबार नेपाल ट्रेन्डिङ

एजेन्सीः भारतले सन् २०२८ को ओलम्पिक खेलमा पदक तालिकाको शिर्ष दशभित्र रहने महत्वकांक्षी गुरु योजना सार्वजनिक गरेको छ । भारतीय खेलकुद मन्त्रालयले बिहिबार ओलम्पिक यात्रा सम्बन्धि गुरु योजना घोषणा गर्दै सन् २०२८ मा हुने ओलमिपकमा भारत पदक तालिकाको शिर्ष दशमा रहने गरी योजना सार्वजनिक गरेको हो । यस योजना अन्तर्गत मन्त्रालयले ‘एक राज्य एक खेल’ को योजना अघि सारेको छ ।

मन्त्रालयले योजना सफल बनाउन प्रत्येक राज्यलाई विशेष बजेट सहितको निर्देशन दिने बताईएको छ । प्रत्येक राज्यले योजना अन्तर्गत खेल र खेलाडी तयारी गर्नुपर्ने बताएको छ । हरियाणा लगायत ५ राज्यले ओलम्पिकको लागि बक्सर तयार गर्नेछन् । दिल्ली लगायत ३ राज्यले पहलवानहरू तयार पार्ने जिम्मेवारी लिएका छन । मध्य प्रदेश शुटिङ्ग खेलका लागि शूटर उत्पादन गर्ने एक मात्र राज्य हुनेछ । १४ खेलमा आर्चरी , बक्सिङ्ग, शुटिङ, ब्याडमिन्टन, कुश्ती, हकी, साइक्लिङ्ग, एथ्लेटिक्स, भारोत्तोलन, टेबल टेनिस, पौंडी, जुडो, फेन्सिङ्ग र रोइङ समावेश छन् ।