अखबार नेपाल ट्रेन्डिङ

काठमाडौं: अखिल नेपाल फुटबल संघ (एन्फा)ले आफ्नो मातहतका भौतिक संरचनाहरुलाई अस्थायी क्वारेन्टाइन र आइसोलेसन वार्ड निर्माणका लागि सरकारलाई हस्तान्तरण गर्न तयार रहेको बताएको छ ।

एन्फाले आइतबार विज्ञप्ति जारी गर्दै अखिल नेपाल फुटबल संघको भौतिक संरचनाहरु ललितपुरको एन्फा कम्प्लेक्सको होस्टल, बुटबल र धरान एकेडेमीका होस्टल साथै रौतहटस्थित महिला एकेडेमीको होस्टल अस्थायी क्वारेन्टाईन र आइसोलेसनको लागि आवश्यक परेको खण्डमा नेपाल सरकार, प्रदेश सरकार वा स्थानीय सरकारलाई हस्तान्तरण गर्न तयार रहेको एन्फा प्रवक्ता किरण राईले जानकारी दिएका छन् ।

एन्फाले आफ्नो कार्यालय सहित सबै फुटबल गतिविधि बन्द गर्नुको साथै सम्पूर्णलाई सुरक्षित साथ बस्न समेत आग्रह गरेको छ ।