अखबार नेपाल ट्रेन्डिङ

काठमाडौं: वाणिज्य तथा आपूर्तिमन्त्री लेखराज भट्टले बजारमा अभाव सिर्जना गरी कलोबजारी गर्नेलाई तीन लाख जरिवाना र पाँच वर्षसम्मको जेल सजाय हुने बताएका छन् । उद्योग वाणिज्य तथा आपूर्तिमन्त्री भट्टले कालोबजारी र मुनाफाखोरी गरी अभाव सिर्जना गरेको फेला परेमा तीन लाख जरिवाना र पाँच वर्षसम्मको जेल सजायको व्यवस्था गरिएको उनले बताए । मन्त्री भट्टले कारवाही गर्ने कुरामा कुनै शंका नगर्न पनि आग्रह गरेका छन् ।

राजधानीमा आयोजित साक्षत्कार कार्यमा मन्त्री भट्टले कोरोना बिरुद्ध लड्नुपर्ने बेलामा देशमा अघोषित संकटकालको अवस्थामा भोलीको दिनलाई मध्यनजर गर्दै सरकारले खाद्यान्न लगायतका अत्यावश्यक वस्तुको अभाव हुन नदिने गरि बन्दोवस्त गरेको उनले बताए । बजारमा पर्याप्त मात्रामा स्टक भएको र सुपथ मूल्यका पसलहरू पनि सञ्चालन गरिरहेकोले सबैले गम्भिरताका साथ एकजुट हुनुपर्नेमा मन्त्री भट्टले जोड दिए ।