अखबार नेपाल ट्रेन्डिङ

कास्की : उपनिर्वाचन नजिकिँदै गर्दा कास्कीमा बम विस्फोटका घटना हुन थालेका छन् । सोमबार सबेरै बिहान २ बजेर ४५ मिनेटमा पोखरा महानगरपालिका वडा नम्बर ३३ का अध्यक्ष शिव आचार्यको घरमा बम विस्फोट भएको छ ।

बम विस्फोटबाट घर कम्पाउन्डमा पार्किङ गरेर राखेको गाडीमा क्षति पुगेको जिल्ला प्रहरी कार्यालय कास्कीले जनाएको छ । ३३ नम्बर वडाका अध्यक्ष आचार्यको पोखरा महानगरपालिका-१७ बिरौटास्थित घरमा पार्किङमा रहेको ग २ च ४२६ नम्बरको हाइलक्स गाडीमा अज्ञात समुहले विस्फोट भएको गराएको हो ।

घर परिसरमा बम पड्किएर गाडी क्षतिग्रस्त भएको वडाअध्यक्ष आचार्यको पारिवारिक स्रोतले पनि पुष्टि गरेको छ । विस्फोटबाट भएको क्षति विवरण खुलेको छैन । घटनाबारे अनुसन्धान जारी रहेको प्रहरीले जानकारी दिएको छ ।