अखबार नेपाल ट्रेन्डिङ

काठमाडौं: सिन्धुपाल्चोकको जुगल गाउँपालिकाले गाउँमा चीनको हुबेइ प्रान्तमा देखिएको कोरोना भाइरसको लक्षणसँग मिल्ने लक्षण देखिएको भन्दै आवश्यक सहयोगका लागि अपिल गरेको छ । मंगलबार स्वास्थ्य तथा जनसंख्या मन्त्रालयका नाममा एक अत्यन्त जरुरी पत्र काट्दै सहयोगका लागि अपिल गरेको हो ।

गाउँपालिकाका प्रमुख प्रशासकीय अधिकृत लोकबहादुर विकले मन्त्राललयलाई लेखेको पत्रका जुगल गाउँपालिका-३ साबिकको गुम्बा गाविसमा वडा नम्बर ८ गुम्बा बस्तीमा सोमबारदेखि नोबल कोरोना भाइरसको लक्षणसँग मेलखाने लक्षण देखिएको उल्लेख गरेको छ । उनले बस्ती रुघा खोकी र अत्याधिक ज्वरोजस्ता लक्षणका बिरामी देखा परेको उल्लेख गरेका छन् । बिरामीको परीक्षण गरी रोग पहिचान गर्न विशेष टोली खटाइ आवश्यक सहयोग गर्ने अनुरोध गरिएको छ । यता, गाउँपालिका अध्यक्ष होम नारायण श्रेष्ठका अनुसार माघ २३ गतेबाट यस्तो लक्षण देखिन सुरु गरेकोमा आजसम्म बिरामी हुनेको संख्या ८४ जना पुगेको छन् । चीनबाट नजिकको दूरीमा भए पनि शंका मात्रै भए पनि आवातजावत नभएको कारणले शंका भरमा त्रास नफैलाउन अध्यक्ष श्रेष्ठले आग्रह गरेका छन् ।

– योन्डोन तामाङ