अखबार नेपाल ट्रेन्डिङ

काठमाडौं: आइतबार सम्पन्न स्थानीय तह उपनिर्वाचनको मतगणना जारी छ । सोमबार बिहानसम्मको मतपरिणाम अनुसार नेपाली कांग्रेसले १५ वटा वडामा विजयी हासिल गरेको छ भने एमालेले ५, माओवादीले ४, जसपा नेपालले २, एकीकृत समाजवादीले १, नेमपकिपाले १ र स्वतन्त्र उम्मेदवारले १ स्थानमा विजयी हासिल गरेको निर्वाचन आयोगले जनाएको छ ।

आयोगका अनुसार हेटौडा उपमहानगरपालिका-१२ वडा अध्यक्ष अर्जुन प्रसाद तिवारी, मुसिकोट नगरपालिका-१, आनन्द श्रेष्ठ, भीमदत्त नगरपालिका-६ प्रकाश चन्द, ठाकुरबाबा नगरपालिका-४ अमिन थारु, गढी गाउँपालिका-६ तेतर साहु, सूर्मा गाउँपालिका-४ धिरेन्द्र पुजारा, रुन्टीगढी गाउँपालिका-४ भुपमणी पुन मगर, ईशनाथ नगरपालिका-७ शेख अब्दुल खलिक, सानीभेरी गाउँपालिका-५ मोतीराम खत्री, कीर्तिपुर नगरपालिका-१ इच्छा कुमार महर्जन, पूर्वीचौकी गाउँपालिका-६ मोहन थापा, लालीगुराँस नगरपालिका-८ नगेन्द्र लिम्बु, दुहुँ गाउँपालिका-५ धन सिंह कुंवर, कुसे गाउँपालिका-७ खम्ब बहादुर सिँह, राजपुर नगरपालिका-६ मा समसे आलम निर्वाचित भएका छन् । देशभरिका मत परिणाम आइरहँदा नेपाली कांग्रेस अग्रस्थानमा रहेको छ । त्यस्तै नेकपा एमाले दोस्रो स्थानमा छ ।

एमालेले हालसम्म ६ स्थानमा जित निकालेको छ । महाबु गाउँपालिका अध्यक्षमा एमालेका जंग बहादुर शाही निर्वाचित भएका छन् । शुद्धोधन गाउँपालिका-१ वडा अध्यक्षमा मोहमद ताहिर मुसलमान निर्वाचित भएका छन् । रामगोपालपुर नगरपालिका-२ सकिवुल खाँ, मोलुङ गाउँपालिका-५ गंगा वहादुर तामाङ, सिरीजङ्घा गाउँपालिका-३ कुमारी सावादेन निर्वाचत भएका छन् ।

त्यसैगरी नेकपा माओवादी केन्द्रबाट ककनी गाउँपालिका-२ कृष्ण घिमिरे, त्रियुगा नगरपालिका-१२ नविन कुमार वान्तवा राई, धनुषाधाम नगरपालिका-१ शुनिल कापर केवट गोरखा नगरपालिका-५ बिष्‍णु बहादुर मगरले जितेका छन् । हालसम्म जनता समाजवादी पार्टी (जसपा)ले २ वडा अध्यक्षमा जित निकालेको छ । डाक्नेश्वरी नगरपालिका-१ धिरेन्द्र कुमार साह र डाक्नेश्वरी नगरपालिका-४ मा जसपाका देवेन्द्र प्रसाद यादव विजयी भएका हुन् । काठमाडौं-१६ मा रास्वपाकी रोजिना श्रेष्ठ विजयी भएकी छन् ।