अखबार नेपाल ट्रेन्डिङ

काठमाडौं: गोरखाको चुमनुब्री गाउँपालिका-१ स्थित वीरेन्द्रतालमा हिमपहिरो खस्दा बूढीगण्डकीमा पानीको बहाव उच्च भएको छ । हिमपहिरो खस्दा तालको पानी ओभरफ्लो भएर तल्लो क्षेत्रमा बाढी आएको छ ।

बाढीले साम्दु र सामागाउँ जोड्ने एउटा काठको पुल बगाएको छ । जिल्ला प्रहरी कार्यालय गोरखाका अनुसार स्थानीय सामागाउँ प्रहरी चौकीको टोली ताल क्षेत्रमा पुगेको छ । स्थानीयले ताल फुटेको सूचना दिएको भए पनि घटनास्थल पुगेको प्रहरी टोलीले हिमपहिरोले ताल ओभरफ्लो भएको पाईएको बताईएको छ । यद्यपि तल्लो क्षेत्रमा बाढी आउन सक्ने भएकोले सचेत रहन आग्रह गरिएको छ ।