अखबार नेपाल ट्रेन्डिङ

काठमाडौं: आज बसेको प्रतिनिधिसभा बैठकमा रास्वपाका सांसद ढाकाकुमार श्रेष्ठ पदमुक्त भएको सभामुखले संसदलाई जानकारी गराउने भएको छ ।

मेडिकल व्यवसायी दुर्गा प्रसाईंसँग मन्त्री बन्न दुई करोड मागेको अडियो सार्वजनिक भएपछि रास्वपाले श्रेष्ठलाई पार्टीबाट निष्कासन गर्दै सांसद पद रिक्तताका लागि संसद् सचिवालयमा निवेदन दिएको थियो ।

सभामुख देवराज घिमिरेले रास्वपाको कारबाही मिले नमिलेको अध्ययन गरेर श्रेष्ठलाई सांसद पदबाट हटाउने निर्णय गरेका हुन् ।

श्रेष्ठ रास्वपामा समानुपातिक कोटामा आएका सांसद हुन् । उनको ठाउँमा रास्वपाले विन्दवासिनी कंशाकारलाई सांसद बनाउने निर्णय गरेको छ । आज सभामुखले संसदमा जानकारी गराएपछि निर्वाचन आयोगले कंशाकारलाई सांसद नियुक्तको प्रक्रिया थाल्नेछ ।