अखबार नेपाल ट्रेन्डिङ

चितवनः चितवन क्षेत्र नम्बर २ मा राष्ट्रिय स्वतन्त्र पार्टी (रास्वपा) का सभापति रवि लामिछानेको जित निश्चित जस्तै भएको छ । उनले अग्रता बढाउँदै लगेका छन् ।

हाल ५६ हजार ५०७ मत गणना हुँदा लामिछानेले ४० हजार ६९ मत प्राप्त गरेका छन् । त्यसैगरी नेपाली कांग्रेसका जीतनारायण श्रेष्ठले ७ हजार ४५९ प्राप्त गरी लामिछानेलाई पछ्याइरहेका छन् ।

त्यसैगरी नेकपा एमालेका रामप्रसाद न्यौपानेले ७ हजार २६७ मत प्राप्त गरेका छन् । भरतपुर महानगरपालिकाका क्षेत्र नं २ मा पर्ने १० वटै वडा र इच्छाकामना गाउँपालिकाको मतगणना सम्पन्न भएको मुख्य निर्वाचन अधिकृतको कार्यालयले जनाएको छ ।

हालसम्म ८७० मत बदर भएको छ । कार्यालयका अनुसार कालिका नगरपालिकाको मतगणना सुरु भएको छ ।