अखबार नेपाल ट्रेन्डिङ

काठमाडौं: आगामी ४ मंसिरका लागि तोकिएको प्रदेश र प्रतिनिधिसभा चुनावका लागि निर्वाचन आयोगमा राजनीतिक दल दर्ताका लागि आज अन्तिम दिन रहेको निर्वाचन आयोगले जनाएको छ ।

निर्वाचन प्रयोजनका लागि सबैभन्दा पहला सिके राउतको नेतृत्वमा जनमत पार्टी दर्ता भएको थियो । प्रमुख प्रतिपक्षी दल नेकपा एमालेले १०औं नम्बरमा दल दर्ता गराएको थियो ।

निर्वाचन आयोगका सह-प्रवक्ता सुर्य प्रसादका अनुसार अहिलेसम्म ६२ वटा दल दर्ता भएका छन् । बाँकीले मंगलबार कार्यालय समयभित्र आयोग पुगेर दल दर्ता गराउनपर्ने उनले बताए ।

सत्तारुढ दल नेपाली कांग्रेसले दल दर्ताको जिम्मेवारी पार्टी मुख्यसचिव कृष्णप्रसाद पौडेललाई दिएको छ । पार्टी केन्द्रीय कार्यालय सानेपामा शनिबार बसेको केन्द्रीय कार्यसम्पादन समितिको बैठकले दल दर्ताको जिम्मेवारी मुख्य सचिव पौडेललाई जिम्मेवारी दिने निर्णय गरेको हो ।

निर्वाचन आयोगले आसन्न प्रतिनिधिसभा र प्रदेशसभा सदस्यका लागि गत आइतबारबाट दल दर्ता कार्यक्रम सुरु गरेको थियो ।