अखबार नेपाल ट्रेन्डिङ

धनुषाः धनुषामा स्थानीय र प्रहरीबीच झडप भएको छ ।

स्थानीय पान पसलमा अज्ञात समूहले गएराती आगो लगाईदिएको विषयमा बाटो नै अवरुद्ध गर्दै स्थानीयहरुले आन्दोलन गरेपछि त्यसलाई हटाउने क्रममा स्थानीय र प्रहरीबीच झडप भएको हो ।

प्रहरीले बाटो खुलाउन तथा बढ्दै गरेको आक्रोशको स्थितिलाई नियन्त्रणमा लिन प्रहरीले ८ सेल अश्रुग्यास प्रहार गरको धनुषाका प्रहरी प्रवक्ता डीएसपी जितेन्द्र बस्नेतले जानकारी दिए ।

राति भएको आगलागीले पान पैलेस किरानाको समान तथा कपडा समेत जलेर १० लाख बढीको क्षति भएको छ ।

५० मिटरकै दूरीमा तीनकौरिया प्रहरी चौकीले राति गस्ती नगर्दा अज्ञात समूहले आगजानी गरेको स्थानीय व्यापारीहरुको आरोप छ ।

स्थानीयहरु प्रहरीको कार्यशैलीप्रति रोष प्रकट गर्दै प्रहरी प्रशासनविरुद्ध नाराबाजी गर्न थालेपछि अहिले त्यहाँको अवस्था तनावग्रस्त बनेको छ ।