अखबार नेपाल ट्रेन्डिङ

काठमाडौं: अखिल नेपाल फुटबल संघ एन्फाले १३औं दक्षिण एसियाली फुटबल सागमा स्वर्ण जित्ने टिमका खेलाडीलाई जनही नगद ५ लाख ५० हजार रुपैयाँ दिने भएको छ । एन्फाको आइतबार बसेको कार्यसमितिको बैठकले घरेलु भूमिमा स्वर्ण जित्ने खेलाडीलाई नगदबाट सम्मान गर्ने निर्णय गरेको हो ।

सुजल श्रेष्ठको कप्तानीमा रहेको नेपाल यू-२३ टिमले फाइनलमा भुटान यू-२३ लाई २-१ गोल अन्तरले पारजित गर्दै लगातार दोस्रो पटक नेपाललाई स्वर्ण दिलाएको थियो । यस्तै १३औं सागमै महिला फुटबलमा रजत जितेको महिला टिमका खेलाडी नगद १ लाख ५० हजारका दरले सम्मान गरिने भएको छ ।

यसैगरी ‘बी’ डिभिजन लिगको विजेतालाई १५ लाख दिने र सहभागी सबै क्लबलाई १० लाखका दरले प्रदान गरिने समेत एन्फाले निर्णय गरेको छ । यसैबीच ‘सी’ डिभिजनमा सहभागी टिमलाई ७ लाख प्रदान गरिने भएको छ । महिला लिग फुटबलको विजेतालाई नगद १५ लाख प्रदान गर्ने अखिल फुटल संघले निर्णय गरेको छ ।