अखबार नेपाल ट्रेन्डिङ

एजेन्सी: च्याम्पियन्स लिग फुटबल अन्तर्गत लिभरपुल र नापोलीले बराबरी खेल्दै अंक बाँढेका छन् । लिभरपुललाई नकआउट चरणमा पुग्न अझै एक खेल पर्खन पर्ने भएको छ । मंगलबार राति नापोलीसँग १–१ गोलको बराबरी खेलेको घरेलु टोली लिभरपुललाई अघिल्लो चरण पुग्न अझै एक अंक चाहिने भएको हो ।

समूह ईमा शीर्ष स्थानको लिभरपुलको १० अंक छ । दोस्रो स्थानको नापोलीको ९ अंक छ । लिभरपुलले समूह चरणको अन्तिम खेलमा रेडबुल साल्जबर्गसंग खेल्नेछ । सो खेलमा अंक जोड्न सफल रहे लिभरपुल नकआउट चरणमा प्रवेश गर्नेछ । डेरिस मार्टिन्जले २१ औ मिनेटमा पाहुना टोली नापोलीलाई खेलमा अग्रता दिलाएका थिए । अफसाईट विट गर्दै कठिन कोणबाट उनले गोल गर्दै पाहुना टोलीलाई सुरुवाती अग्रता दिलाएका थिए । डिजन लोभरेनले ६५ औ मिनेटमा लिभरपुका लागि बराबरी गोल फर्काएका हुन् । पछिल्ला १३ खेलमा अपराजित लिभरपुलले ११ जित र २ बराबरी खेलेको छ ।