अखबार नेपाल ट्रेन्डिङ

एजेन्सी: च्याम्पियन्स लिग फुटबलमा रियल मड्रिड पेरिस सेन्ट जर्मेन पीएसजीसँग बराबरीमा रोकिएको छ । मंगलबार राति रियलको घरेलु मैदानमा भएको खेलमा पीएसजीले पुनरागमन बराबरी खेलेको हो । रियलसंग २-० ले पछाडी रहेको अवस्थालाई सुधार गर्दै पीएसजीले तीन मिनेटको अन्तरमा दुई गोल गर्दै खेल बराबरीमा ल्याएका थिए ।

खेलमा अग्रता रियलले बेन्जिमाको १७ औ मिनेटको गोलबाट लिएको थियो । ७९ औ मिनेटमा बेन्जिमाले ब्यक्तिगत दोस्रो गोल गर्दै रियललाई २-० को अवस्थामा पुर्याएका थिए । तर केलियन एम्बाप्पले ८१ औ मिनेटमा गोल गर्दै पीएसजीलाई खेलमा फर्काउने कोशिश गरे । ८३ औ मिनेटमा पाब्लो साराबियाले पीएसजीका लागि बराबरी गोल गरेका थिए । दुवै टोलीले अन्तिम १६ मा स्थान पक्का गरिसकेका छन् ।