अखबार नेपाल ट्रेन्डिङ

एजेन्सी: टोटेनहम च्याम्पियन्स लिग फुटबलको नकआउट चरणमा प्रवेश गरेको छ । मंगलबार राति भएको खेलमा ग्रिसको ओलम्पियाकोसलाई ४-२ गोल अन्तरले पराजित गर्दै टोटेनहम अघिल्लो चरण प्रवेश गरेको हो ।

खेलमा २-० गोलले पछि परेको स्थितिलाई उल्ट्याउँदै टोटेनहमले जित हासिल गरेको हो । मुख्य प्रशिक्षक जोसे माउरिन्होले घरेलु मैदानमा पहिलो जित आत्मसाथ गरेका छन् । खेलमा अग्रता पाहुना टोलीले अल अरबीको गोलबाट लिएको थियो । १९औ मिनेटमा बोर्गेस सेमेदोले गोल गर्दै ओलम्पियाकोसलाई अप्रत्यासीत २-० को अग्रता दिलाए । ५०औ मिनेटमा केनले घरेलु टोलीका लागि बराबरी गोल गरेका थिए । सर्ज औरिएरले ७३ औ मिनेटमा गोल गर्दै टोटेनहमलाई ३-२ को अग्रता दिलाए । केनले ७७ औ मिनेटमा व्यक्तिगत दोस्रो गोल गर्दै टोटेनहमको जित सुनिश्चित गरे ।