अखबार नेपाल ट्रेन्डिङ

काठमाडौं: फिफा वरियतामा नेपाल एक स्थान माथि उक्लिएको छ । विश्व फुटबल महासंघ (फिफा)ले बिहीबार जारी गरेको पुरुष फुटबलको वरियतामा नेपाल १७५औं स्थानमा छ ।

नेपालले पछिल्लो पटक खेलेका दुई अन्तर्राष्ट्रिय मैत्रीपूर्ण खेलमा एउटा जित र अर्कोमा हार बेहोरेको थियो । कात्तिकको अन्त्यमा ताजिकिस्तानसँग ४-० को हार बेहोरेको नेपालले मंसिरको‌ सुरुमा अफगानिस्तानलाई २-० ले हराएको थियो ।

नेपालसँग पराजित भएको अफगानिस्तान भने ४ स्थान झरेर १५५औं स्थानमा पुगेको छ । दक्षिण एसियामा शीर्ष स्थानमा रहेको भारतको दुई स्थान खस्किएको छ र १२७औं स्थानमा छ । दक्षिण एसियाका माल्दिभ्स १६२औं, भुटान ११८२औं, बंगालादेश १८५ औं , पाकिस्तान १९८ औं र श्रीलंका २०४औं स्थानमा छ ।

फिफा वरियताको शीर्ष ५ यथावत छ । अर्जेन्टिना शीर्ष स्थानमा, फ्रान्स दोस्रो, स्पेन तेस्रो, इंङग्ल्यान्ड चौथो र ब्राजिल पाँचौ स्थानमा छ ।