अखबार नेपाल ट्रेन्डिङ

एजेन्सी:  एसिया कप क्रिकेटको सुपर फोरमा आज श्रीलंका र पाकिस्तान भिड्दैछन् । खेल कोलम्बोमा नेपाली समय अनुसार दिउँसो ३:१५ बजे सुरु हुनेछ ।

आजको खेलको विजेताले उपाधिका लागि भारतसँग आइतबार प्रतिस्पर्धा गर्नेछ । आजको खेल दुवै टोलीका लागि महत्वपूर्ण छ । दुवै टोली २ अंकका साथ दोस्रो र तेस्रो स्थानमा रहेका छन्। भारत एक खेल अगावै फाइनलमा प्रवेश गरेको छ ।

आजको खेल वर्षाले प्रभावित भए श्रीलंका फाइनलमा प्रवेश गर्नेछ भने पाकिस्तान बाहिरिने छ । श्रीलंका रनरेटको आधारमा दोस्रो स्थानमा छ भने पाकिस्तान तेस्रो स्थानमा छ । श्रीलंका साविक विजेता हो भने पाकिस्तान वानडे क्रिकेटको बरियताको नम्बर वान ।

यसअघि पाकिस्तान भारतसँग २२८ रनको फराकिलो अन्तरमा पराजित भएको थियो भने श्रीलंका मंगलबार भारतसँग ४१ रनले नै पराजित भएको थियो । बंगलादेश भने दुवै खेल हार्दै प्रतियोगिताबाट बाहिरिसकेको छ । भारत र बंगलादेशको खेल भोलि हुनेछ ।